Azərbaycan atletləri Rusiyanın Volqoqrad şəhərində keçirilmiş “Qubernator kuboku” uğrunda beynəlxalq turnirdə mübarizə aparıblar. Gənclər və İdman Nazirliyinin mətbuat katibi Səmayə Məmmədovanın apasport.az saytına verdiyi məlumata görə, həmyerlilərimiz yarışda 3 medal qazanıblar.

Ən yüksək nəticəni Ramil Quliyev göstərib. O, 60 m məsafəyə qaçış proqramında 6,66 saniyəlik nəticə ilə fəxri kürsünün ən yüksək pilləsinə qalxıb. Eyni zamanda, Ramil 20 yaşadək atletlər arasında Azərbaycan rekordunu təzələyib.

Volqoqradda Valentin Buliçev 200 m məsafəni 21.80 saniyəyə qaçıb. Kamran Cəlilov isə 3 təkanla tullanma proqramında 15,77 m nəticə göstərib. Hər iki idmançımız bürünc medala layiq görülüb.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb