Fransanın paytaxtı Parisdə təşkil olunacaq cüdo üzrə “Böyük Dəbilqə” turnirinə Azərbaycanın 4 cüdoçusu yollanacaq. Azərbaycan Cüdo Federasiyasının mətbuat xidmətindən apasport.az saytına verilən məlumata görə, səfərə Pekin Yay Olimpiya Oyunlarının qalibi Elnur Məmmədli (73 kq), bürünc medalçı Mövlud Mirəliyev (100 kq), həmçinin Elxan Rəcəbli (81 kq) və Elxan Məmmədov (90 kq) gedəcək.

Baş məşqçi Ağayar Axundzadənin rəhbərlik etdiyi kollektiv Fransaya fevralın 5-də yola düşəcək. Fevralın 7-8-də keçiriləcək “Böyük Dəbilqə” yarışında yığma üzvlərindən Elnur Məmmədlinin iştirak etməyəcəyi gözlənilir. O, komanda yoldaşları ilə birgə 9-13 fevral aralığında Parisdə baş tutacaq təlim-məşq toplanışına qatılacaq.

• İdmançımız İtaliyada 2-ci oldu
• Gimnastlarımızdan bürünc medal
• Səbinə Əliyeva Türkiyədə çıxış edib
• Azərbaycanlı məşqçi Hindistanda keçirilən düşərgədə iştirak edib
• Kros qaçışı üzrə Bakı şəhər payız çempionatı keçiriləcək