Almaniyanın Münhen şəhərində keçirilən güllə atıcılığı üzrə beynəlxalq turnir başa çatmaq üzrədir. Apasport.az saytının məlumatına görə, yarışda ölkəmizin şərəfini Afina Olimpiadasının bürünc medalçısı İradə Aşumova və onun oğlu Ruslan Lunyov qoruyur. Turnirin ilk günündə 10 metrlik məsafədən pnevmatik tapança ilə atəş açan Aşumova 14-cü, Lunyov isə 27-ci yeri tutmuşdu.

Növbəti gündə isə Ruslan nəticəsini yaxşılaşdırıb. O, kiçikçaplı tapançadan atəş açaraq, 570 xal (92+95+93+97+96+97) toplayıb. Amma bununla belə, 20 yaşlı idmançı yenə mükafatçılar arasına düşə bilməyib. Onun 2 xal çatmadığından final mərhələsinə yüksəlməyi bacarmayıb və mübarizəni erkən dayandırıb. Yekunda Lunyov 45 güllə atıcısı arasında 12-ci pillədə qərarlaşıb.

Bu gün, yarışın axırıncı günündə İradə Aşumova qüvvəsini sınayır. Olimpiya mükafatçısı kiçikçaplı tapançadan atəş açır.

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar