Azərbaycan şahmatçısı Şəhriyar Məmmədyarov Rusiyanın Nalçik şəhərində keçirilən Qran-Pridə ilk qələbəsini qazanıb. Apasport.az saytının məlumatına görə, 24 yaşlı idmançımız VI turda yarışın lideri Aleksandr Qrişuku (Rusiya) məğlub edib. Ağ fiqurlarla oynayan Məmmədyarov 38-ci gedişdə rəqibini mat edib.

Bununla da, Şəhriyar 4 heç-heçə və 1 məğlubiyyətin ardından ilk qələbəsini rəsmiləşdirib. Qalibiyyət sayəsində xalını 3-ə çatdıran həmyerlimiz turnir cədvəlindəki mövqeyini bir qədər yaxşılaşdırıb.

Sabah Məmmədyarov digər rusiyalı Yevgeni Alekseyevlə qarşılaşacaq. 14 şahmatçının mübarizə apardığı Qran-Pri aprelin 29-da yekunlaşacaq.

• "Formula 1" üzrə Azərbaycan Qran-prisi üçün yeni tribunalar salınır
• Everest qalmaqalı: Zirvəni fəth edən ilk azərbaycanlı qadın kimdir?
• Anyma Formula 1 Azərbaycan Qran-Prisində çıxış edəcək
• Dünya Kubokunda medal qazanmış parapauerliftinqçilərlə görüş keçirilib
• Azərbaycan velosipedçisi Qazaxıstanda daha bir medal qazanıb