Stend atıcılığı üzrə Azərbaycan milli komandası növbəti yarışa hazırlaşır. Azərbaycan Gənclər və İdman Nazirliyinin mətbuat xidmətindən apasport.az saytına verilən məlumata görə, yığmamız Misirin paytaxtı Qahirədə təşkil olunacaq Dünya Kubokunda qüvvəsini sınayacaq.

Hafiz Cəfərovun rəhbərlik etdiyi kollektivdə Regina Meftahəddinova, Emin Cəfərov, Nurlana Cəfərova, Elvin İsmayılov və Elçin Babayev yer alıb. Həmyerlilərimiz səfərə aprelin 30-da yollanacaqlar. Yarış mayın 10-dək davam edəcək.

Qeyd edək ki, yığma bu ay eyni heyətlə İtaliyanın Lonato şəhərində olub. Orada beynəlxalq turnirdə iki bürünc medal qazanmış milli komandamız aprelin 20-dək təlim-məşq toplanışı keçib.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb