“Hazırda bütün güclü turnirlərdə toplu endşpil zamanı oyunçulardan biri mütləq uduzur. Yorğunluq fonunda hətta sadə vəziyyətlərdə belə, yaxşı gedişlər etmək çox çətindir. Nəticədə bir çox qrossmeysterlər dəqiq müdafiə oluna bilmirlər. Belə bədbəxtlik bu dəfə Şəhriyar Məmmədyarovun başına gəldi”. Apasport.az-ın məlumatına görə, bu sözlər Rusiyanın Nalçik şəhərində keçirilən Qran-Prinin rəsmi İnternet saytında yerləşdirilib.

Məqalədə şahmatçımız Şəhriyar Məmmədyarovun Qran-Prinin XI turunda Boris Qelfandla (İsrail) görüşü şərh edilib. Bildirilir ki, 24 yaşlı həmvətənimiz öz səhvi ucbatından rəqibə uduzub: “Şəhriyar yaxşı müdafiə olunurdu, lakin sonra macəra başlandı. Hər halda, ən axırda Məmmədyarov səhvə yol verdi və Qelfand 56-cı gedişdə partiyaya nöqtə qoydu”.

Qeyd edək ki, Şəhriyar Qran-Prinin sonuna 2 tur qalmış 5 xalla 8-13-cü pillələri bölüşdürür.

• Prezident İlham Əliyev Beynəlxalq Avtomobil Federasiyasının prezidentini qəbul edib
• "Formula 1": "Ferrari" pilotu sıralama turunu lider başa vurub - YENİLƏNİB
• "Formula 2": Sprint yarışının qalibi mükafatlandırılıb
• Bakıda sprint yarışı başa çatıb - YENİLƏNİB
• "Formula-2": Yaponiyalı sürücünün bolidində yanğın baş verib - FOTO