Teymur Rəcəbov “Şahmat tacı”na doğru

Teymur Rəcəbov “Şahmat tacı”na doğru - TURNİR CƏDVƏLİ

01.05.2009 - 11:54

Şahmat üzrə Qran-Pri turnirlərinin 4-cü mərhələsindən sonra turnir cədvəli açıqlanıb. Apasport.az saytının məlumatına görə, dörd mərhələnin yekununa əsasən, yarış cədvəlinin zirvəsində Azərbaycan yığmasının lideri Teymur Rəcəbov qərarlaşıb. 363⅓ xala malik Rəcəbov rusiyalı Aleksandr Qrişukla birgə 1-2-ci pillələri bölüşdürür. Amma həmyerlimizin Qrişukdan aralanacağı istisna deyil. Çünki Teymur rusiyalıdan fərqli, bir mərhələ az oynayıb. Əgər Rəcəbov qatılacağı son Qran-Pridə 60 xaldan çox yığarsa, Qrişuku üstələyəcək.

Digər şahmatçılarımızdan Vüqar Həşimovun vəziyyəti heç də pis deyil. Beşinci yeri tutmasına baxmayaraq, onun ehtiyatda daha bir yarışı var. Şəhriyar Məmmədyarov isə 7-ci sıraya sahib çıxıb.

Reqlamentə görə, 1 şahmatçı Qran-Prinin maksimum 4 mərhələsində qüvvəsini sınaya bilər. Bu zaman onun 3 mərhələdə göstərdiyi ən yaxşı nəticələr toplanır və yarış cədvəlində əksini tapır.

Ümumilikdə Qran-Pri 6 mərhələdən ibarətdir. Növbəti mərhələ avqustda Ermənistanda baş tutacaq. Turnirə dekabrda yekun vurulacaq. Məhz həmin vaxt 2010-cu ildə “Şahmat tacı”na namizəd olan zəka sahiblərinin adları müəyyənləşəcək.

	Şahmatçı	Bakı	Soçi	Elista	Nalçik	Neçə mərhələdə oynayıb	Cəmi (ən yaxşı 3 nəticənin cəmi)
1	Teymur Rəcəbov (Azərbaycan)	60	150	153⅓		3	363⅓
2	Aleksandr Qrişuk (Rusiya)	105	45	153⅓	105	4	363⅓
3	Levon Aronyan (Ermənistan)		180		180	2	360
4	Van Yue (Çin)	153⅓	120	80		3	353⅓
5	Vüqar Həşimov (Azərbaycan)	153⅓	65	110		3	328⅓
6	Dmitri Yakovenko (Rusiya)		90	153⅓		2	243⅓
7	Şəhriyar Məmmədyarov (Azərbaycan)	105		80	55	3	240
8	Qata Kamski (ABŞ)	60	120		55	3	235
9	Pyotr Svidler (Rusiya)	85	90		55	3	230
10	Peter Leko (Macarıstan)			80	140	2	220
11	Sergey Karyakin (Ukrayna)	60	90		55	3	205
12	Etyen Bakro (Fransa)	15		80	105	3	200
13	Vladimir Akopyan (Ermənistan)	yarışa sonradan qatılıb		15	140	2	155
14	İvan Çeparinov (Bolqarıstan)	35	45	50		3	130
15	Yevgeni Alekseyev (Rusiya)	yarışa sonradan qatılıb		35	85	2	120
16	Boris Qelfand (İsrail)		30		85	2	115
17	Rüstəm Qasımcanov (Özbəkistan)	yarışa sonradan qatılıb		80	20	2	100
18	Vasili İvançuk (Ukrayna)		65		20	2	85
19	Pavel Elyanov (Ukrayna)	yarışa sonradan qatılıb		35	20	2	55
20	David Navara (Çexiya)	35	15			2	50
21	Ernesto İnarkiyev (Rusiya)	15		15		2	30
22	Maqnus Karlsen (Norveç)	153⅓		imtina edib	1
23	Maykl Adams (İngiltərə)	85		imtina edib	1
24	Məhəmməd Əl-Modiahki (Qətər)		15	yarışdan çıxıb	1
25	Yannik Pelletyer (İsveçrə)			yarışdan çıxıb