Azərbaycan kanoeçiləri Polşanın Poznan şəhərində keçirilən Dünya Kubokunun II mərhələsində çıxışlarını başa vurublar. Azərbaycan Milli Avarçəkmə Federasiyasının mətbuat xidmətindən apasport.az saytına verilən məlumata görə, 1000 metr məsafəyə final yürüşlərində 2 nəfərlik qayıqda yarışan Sergey Bezuqlıy – Maksim Prokopenko dueti daha bir medal qazanıb. Onlar əsas finalda (Final A) gümüş medala sahib çıxıblar.

Bir nəfərlik qayıqda çıxış edən Valentin Demyanenko yarımfinalda öz yarımqrupunda 9 iştirakçı arasında 6-cı yeri tutaraq, A finalına vəsiqə qazana bilməyib. B finalında isə o, 9 iştirakçı arasında 5-ci olub. Ümumi nəticədə isə Demyanenko 1000 metrlik məsafəyə yürüşü 14-cü yerdə tamamlayıb.

Xatırladaq ki, mayın 23-də keçirilmiş 500 metrlik məsafəyə final yürüşündə Demyanenko gümüş, Bezuqlıy – Prokopenko dueti isə bürünc medal qazanıb. Beləliklə, kanoeçilərimiz Dünya Kubokunun II mərhələsində 2 gümüş, 1 bürünc medala yiyələniblər.

Dünya Kubokunun II mərhələsi

Texniki nəticələr (24 may)
Məsafə: 1000 metr

1 nəfərlik kanoe qayıqları (C1)
Yarımfinal

1. Sebastrian Brendel (Almaniya) – 4:03.736 (4 dəqiqə 3 saniyə 736 mikrosaniyə)
2. Mark Olderşav (Kanada) – 4:05.084
3. Yevgeni Suklin (Litva) – 4:05.864
4. Andreas Kiliqkardis (Yunanıstan) – 4:07.304
5. Ceyms Trayn (Böyük Britaniya) – 4:10.644
6. Valentin Demyanenko (AZƏRBAYCAN) – 4:12.028
7. Andrey İqorov (Avstriya) – 4:12.592
8. Ruslan Muratov (Qazaxıstan) – 4:15.528
9. Prjemislav Kaçmarek (Polşa) – 4:37.656

1-3-cü pillələrin sahibləri A finalına, 4 – 6-cı yerləri tutanlar isə B finalına vəsiqə qazanıblar.

Final B

1. Viktor Volein (Macarıstan) – 3:57.065
2. Tomas Simar (Fransa) – 3:58.413
3. David Varqa (Macarıstan) – 3:59.873
4. Andreas Kiliqkardis (Yunanıstan) – 4:00.041
5. Valentin Demyanenko (AZƏRBAYCAN) – 4:00.365
6. Metyu Lorens (Böyük Britaniya) – 4:03.705
7. Ceyms Trayn (Böyük Britaniya) – 4:04.565
8. Kianq Li (Çin) – 4:08.161
9. Pyotr Kuleta (Polşa) – 4:23.241

2 nəfərlik kanoe qayıqları (C2)
Final A

1. Andrey Baqdanoviç – Aleksandr Baqdanoviç (Belarus) – 3:36.778 (3 dəqiqə 36 saniyə 778 mikrosaniyə)
2. Sergey Bezuqlıy – Maksim Prokopenko (AZƏRBAYCAN) – 3:36.938
3. Liviu Dumitresku – Katalin Kostaçe (Rumıniya) – 3:37.642
4. Sergey Torres Madriqal – Xose Farinas Bulnes (Kuba) – 3:37.866
5. Bertran Emonik – Vilyam Tşamba (Fransa) – 3:39.222
6. Erik Leue – Tomaş Vilenzek (Almaniya) – 3:39.682
7. Endryu Russell – Qabriel Boşezn-Sevinyi (Kanada) – 3:39.918
8. Tomaş Kaçor – Martsin Qrjibovski (Polşa) – 3:41.526
9. Yaroslav Radon – Filip Dvorak (Çexiya) – 3:48.514.

Kanoeçilərimiz Dünya Kubokunun II mərhələsindən sonra 25–28 iyun aralığında Almaniyanın Brandenburq şəhərində keçiriləcək Avropa çempionatına hazırlaşmaq üçün Polşada qalıblar.