Azərbaycanın sərbəst güləşçiləri Dağıstanda keçirilmiş beynəlxalq turnirdə 3 qızıl və 3 bürünc medal qazanıblar. Apasport.az saytının məlumatına görə, yarışda milli komandamızla yanaşı, Dağıstan və Belarus idmançıları iştirak ediblər.

Qızıl medallara Etimad Qurbanov (60 kq), Çamsulvar Çamsulvarayev (74 kq) və Əli İsayev (120 kq) sahib çıxıblar. Xaybula Şaalov (60 kq), Dibir Hacıyev (66 kq) və Aqil Quliyev (70 kq) bürünc medallarla kifayətləniblər. Yığmamız komanda hesabında birinci yeri tutub.

Qeyd edək ki, Azərbaycan güləşçiləri iyulun 17-dən 19-dək Bakıda keçiriləcək Qızıl Qran-Prinin final mərhələsinə hazırlıq məqsədi ilə iyunun 10-dan təlim-məşq toplanışına başlayacaqlar.

• Azərbaycan kamandan oxatanları beynəlxalq turnirdə uğurla çıxış ediblər
• Yalçın Rəfiyev: “Azərbaycan D-8-də sürətli irəliləyiş əldə edib”
• D-8 baş katibi: “Azərbaycanla əməkdaşlıqdan məmnunuq”
• Fərid Qayıbov: “Gənclər siyasətimiz BMT-nin prioritetləri ilə uzlaşır”
• Bakı ilk dəfə “D-8” Gənclər Dialoquna ev sahibliyi edir