Rusiyanın Xanti-Mansiysk vilayətinin Poykovski qəsəbəsində Anatoli Karpovun şərəfinə sayca 10-cu beynəlxalq turnir keçirilir. Apasport.az saytının məlumatına görə, yarışda Azərbaycanın şərəfini yığmamızın üzvü Vüqar Həşimov (2730) qoruyur. Onunla yanaşı, Aleksey Şirov (İspaniya, 2745), Sergey Rublevski (Rusiya, 2702), Arkadi Naydiç (Almaniya, 2700), Viorel Boloqan (Moldova, 2690), Aleksandr Onişuk (ABŞ, 2684), Zahar Yefimenko (Ukrayna, 2682), Aleksandr Motılev (Rusiya, 2677), Ernesto İnarkiyev (Rusiya, 2676) və Emil Sutovski (İsrail, 2660) də turnirə qatılıb.

İlk turda qələbə qazanan Həşimov bu gün qara fiqurlarla Rublevskiyə qarşı mübarizə aparıb. Tərəflər 26-cı gedişdə heç-heçəyə razılaşıblar. Hazırda qrossmeysterimiz liderlər qrupunda qərarlaşıb.

Sabah Vüqar Aleksandr Onişukla oynayacaq. Dairəvi sistem üzrə keçirilən və 9 turdan ibarət olan yarış iyunun 12-də başa çatacaq.

• Azərbaycan Badminton Federasiyası mükafata layiq görülüb
• Zaur Axundov Azərbaycan Velosiped Federasiyasının prezidenti seçilib
• Azərbaycan birinciliyində növbəti mükafatların sahibləri bəlli olub
• Bakı Marafonunda rekord iştirakçı: 27 min nəfər qeydiyyatdan keçib
• Millimiz Gürcüstanda beynəlxalq təlim-məşq toplanışına başlayıb