Türkiyənın Hayrabolu şəhərində motosiklet idmanı növü üzrə "Mərmərə" çempionatı keçirilib. Azərbaycan Gənclər və İdman Nazirliyinin mətbuat xidmətindən apasport.az saytına verilən məlumata görə, yarışda həmvətənlərimiz 6 medal qazanıblar.

Belə ki, mx-1B kateqoriyasında mühərriki 250 sm3 olan motosikletlərdə Vaqif Əhmədov qızıl, Şakir Ağasiyev isə gümüş medal əldə edib. Digər kateqoriyada - mx-1C (klass-250 sm3) fəxri kürsünün hər 3 pilləsinə azərbaycanlılar yüksəliblər. Vyaçeslav Nevrotenko birinci, Oleq Quliyev ikinci, Məmməd Ağamalıyev isə üçüncü yeri tutub.

Namiq Mustafayev də mükafata sahib çıxıb. O, mx-2C (klass-125 sm3 ) kateqoriyasında bütün rəqiblərini qabaqlayaraq, qızıl medala yiyələnib.

• Bilyardın "Snuker" növü üzrə ölkə çempionatının qalibləri bəlli olub - FOTO
• Millimiz təlim-məşq toplanışına start verib
• III MDB Oyunlarında fəaliyyət göstərəcək könüllülərin sayı açıqlanıb - FOTO
• “Snuker” növü üzrə Azərbaycan çempionatı keçiriləcək
• Fəridə Əzizova Atletlər Komissiyasının sədri seçilib - FOTO