Rusiyanın Xanti-Mansiysk vilayətinin Poykovski qəsəbəsində Anatoli Karpovun şərəfinə təşkil edilən sayca 10-cu beynəlxalq turnirdə VI turun oyunları keçirilib. Apasport.az saytının məlumatına görə, Azərbaycanın yeganə təmsilçisi Vüqar Həşimov hesabat turunda yarım xal qazanıb.

Həmvətənimiz ağ fiqurlarla Emil Sutovski (İsrail) ilə qarşılaşıb. Görüşün 32-ci gedişində heç-heçə qeydə alınıb. Aktivindəki xalları 4-ə çatdıran Həşimov əvvəlki kimi, rusiyalı Aleksandr Motılevlə 1-2-ci pillələri bölüşdürür.

Sabah yarış iştirakçıları istirahət edəcəklər. İyunun 9-da isə Vüqar yerli şahmatçı Ernesto İnarkiyevi sınağa çəkəcək. Ümumiyyətlə, turnirdə 10 zəka sahibi mübarizə aparır. 9 turdan ibarət yarış iyunun 12-də başa çatacaq.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb