Azərbaycanın peşəkar boksçusu Əli İsmayılovun keçirəcəyi növbəti döyüşün tarixi müəyyənləşib. Apasport.az saytının məlumatına görə, 35 yaşlı boksçu sentyabrda rinqə çıxacaq.

Hərçənd, onun gələn ay döyüşəcəyi gözlənilirdi. Lakin Əli payızda qüvvəsini sınamaq qərarına gəlib: “Argentinalı Viktor Ramiresə uduzduqdan sonra menecerim Aleksandr Yaqupov mənə istirahət üçün daha çox vaxt lazım gəldiyini bildirdi. Peşəkar rinqdə növbəti döyüşümə sentyabrın sonlarında, təxmini ayın 24-25-də çıxacağam. Rəqibimin kimliyi bilinməsə də, döyüş reytinq xarakterli olacaq”.

Qeyd edək ki, İsmayılov son döyüşünü mayın 16-da Argentinanın paytaxtı Buenos-Ayresdə yerli boksçu Viktor Emilio Ramiresə qarşı keçirib və məğlubiyyətlə üzləşib.

Mənbə: extratime.az

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb