Azərbaycan şahmatçısı Teymur Rəcəbov Rumıniyanın Bazna şəhərində keçirilən “Kings Tournament” beynəlxalq turnirinin qalibi olmaq şansını itirib. Apasport.az saytının məlumatına görə, buna 22 yaşlı həmyerlimizin IX turda heç-heçə oynaması səbəb olub.

Hesabat turunda şahmatçımız yerli idmançı Liviu-Diter Nisipyanunu sınağa çəkib. Qara fiqurlarla oynayan Teymur “sülh” bağlayıb. Hazırda Rəcəbovun aktivində 5 xal var. O, lider Vasili İvançukdan 1,5 xal geri qaldığından, çempion ola bilməz.

Yeri gəlmişkən, Rəcəbov bu gün son tur çərçivəsində elə İvançukla münasibətlərinə aydınlıq gətirəcək.

IX tur
Liviu-Diter Nisipyanu (Rumıniya, 2675) - Teymur Rəcəbov (Azərbaycan, 2756) - 0,5:0,5
Vasili İvançuk (Ukrayna, 2746) - Qata Kamski (ABŞ, 2720) - 0,5:0,5
Boris Qelfand (İsrail, 2733) - Aleksey Şirov (İspaniya, 2745) - 0,5:0,5

1.İvançuk 6,5 xal; 2.Qelfand 5,5; 3.Rəcəbov 5; 4.Şirov 4,5; 5.Nisipyanu 3; 6.Kamski 2,5