Rusiyanın Sankt-Peterburq şəhərində qadın boksçular arasında təşkil olunan beynəlxalq turnirdə bu gün növbəti döyüşlər keçirilib. Apasport.az saytının məlumatına görə, Azərbaycan yığmasının daha bir üzvü Ceyran Dadaşova məğlubiyyət acısı dadıb.

46 kq çəki dərəcəsində yarışan Ceyran türkiyəli Tuğba Karaşınoğluya uduzub - 5:7. Bununla da, ikinci təmsilçimiz mübarizəni erkən dayandırıb. Dünən Əzizə Abbasova (51 kq) qazaxıstanlı Jaina Şekerbekovla müqavimətsiz təslim olmuşdu (1:27).

Ümumiyyətlə, turnirə 17 ölkə - Azərbaycan, Avstraliya, Kanada, Çin, Çexiya, Finlandiya, Fransa, Hindistan, İrlandiya, Qazaxıstan, Moldova, Şri-Lanka, İsveç, İsveçrə, Türkiyə, Ukrayna və Rusiyadan 90 boksçu qatılıb.

Milli komandamızda medal ümidi yalnız Aynur Rzayevadır (+81 kq). O, cəmi iki idmançının çıxış etdiyi çəki dərəcəsində yerli Nadejda Torlopova ilə döyüşəcək.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub