Bu gün Polşanın Poznan şəhərində kayak və kanoe qayıqlarında avarçəkmə üzrə yeniyetmə və gənclər arasında Avropa birinciliyi start götürüb. Apasport.az saytının məlumatına görə, Malta gölündə təşkil olunan qitə birinciliyində Azərbaycanı kayakçı Ramil Məmmədov təmsil edir. Gənclərin mübarizəsinə qatılan 20 yaşlı Məmmədov 1 nəfərlik qayıqla artıq 1000 metr məsafəyə yürüşün seçmə mərhələsində çıxışlarını başa vurub. Kayakçımız 8 iştirakçı arasında sonuncu yeri tutaraq, mübarizəni dayandırıb. Sabah Məmmədov 500 metrlik məsafəyə yürüşün seçmə mərhələsində qüvvəsini sınayacaq.

I yeri tutacaq kayakçı birbaşa finala, 2-7-ci pillələrin sahibləri isə yarımfinal mərhələsinə vəsiqə qazanacaqlar. Çempionata iyulun 19-da yekun vurulacaq.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!