Polşanın Poznan şəhərindəki Malta gölündə keçirilən kayak və kanoe qayıqlarında avarçəkmə üzrə yeniyetmə və gənclər arasında Avropa birinciliyi davam edir. Apasport.az saytının məlumatına görə, yarışda Azərbaycanı təmsil edən kayakçı Ramil Məmmədov bu gün 500 metr məsafəyə yürüşün seçmə mərhələsində mübarizə aparıb.

Az öncə başa çatan yürüşün yekununda Məmmədov yarımfinala vəsiqə qazanıb. 20 yaşlı kayakçımız bu məsafəni 1 dəqiqə 56 saniyə 125 mikrosaniyəyə qət edərək, 7 iştirakçı arasında 6-cı yeri tutub. O, Danimarka, Serbiya, İrlandiya, Rusiya və Macarıstandan olan rəqiblərinə uduzsa da, Estoniya təmsilçisini qabaqlamağı bacarıb.

Reqlamentə əsasən, I yerin sahibi birbaşa finala, 2 – 6-cı pillələri tutanlar isə yarımfinala vəsiqə qazanır. Ona görə də Məmmədov növbəti mərhələyə çıxıb.

amaf.az

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!