Kişilərdən ibarət otüstü hokkey üzrə Azərbaycan milli komandası Avropa çempionatı “Çelenc I” divizionunda iştirak etmək məqsədilə Xorvatiyanın paytaxtı Zaqrebə yollanıb. Azərbaycan Otüstü Hokkey Federasiyasının mətbuat katibi Yaqub Nuriyevin apasport.az saytına verdiyi məlumata görə, A qrupunda yer alan yığmamız Portuqaliya, Danimarka və Türkiyəni sınağa çəkəcək.

Saleh Hüseynov və Yusif Qasımovun rəhbərlik etdiyi kollektiv ilk görüşü iyulun 25-də Türkiyəyə qarşı keçirəcək. Ertəsi günü hokkeyçilərimiz Portuqaliya, iyulun 28-də isə Danimarka ilə üz-üzə gələcəklər.

Qrupda ilk iki yeri tutacaq komandalar yarımfinala yüksələcəklər. Reqlamentə əsasən, iyulun 31-dək davam edəcək turnirdə iki yığma Avropa çempionatının daha yüksək liqasına vəsiqə qazanacaq.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!