Sabah Çexiyanın Raçitse şəhərində akademik avarçəkmə üzrə gənclər arasında (U-23) dünya birinciliyinin startı veriləcək. Apasport.az saytının Azərbaycan Milli Avarçəkmə Federasiyasının mətbuat xidmətindən aldığı məlumata görə, 68 dövlətin qatılacağı mötəbər yarışda ölkəmizi Cavid Əfəndiyev təmsil edəcək.

19 yaşlı avarçəkənimiz 1 nəfərlik yüngül çəkili qayıqda (BLM 1X) mübarizə aparacaq. Bu kateqoriyada 31 ölkə təmsilçiləri 2000 metrlik məsafəyə yarışacaqlar. Onlar sabah saat 13:18-dən etibarən seçmə mərhələyə başlayacaqlar. Ardından təsəlliverici, 1/4 final, yarımfinal və final yürüşləri keçiriləcək. Dünya birinciliyinə iyulun 26-da yekun vurulacaq.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!