Azərbaycanın stolüstü tennis üzrə milli komandası Rusiyanın Mahaçqala şəhərində təşkil olunmuş Xəzəryanı dövlətlərin I Açıq Kuboku uğrunda yarışda qüvvəsini sınayıb. Federasiyanın mətbuat xidmətindən apasport.az saytına verilən məlumata görə, 8 idmançı (4 kişi, 4 qadın) ilə təmsil olunan yığmamız Rusiya, Qazaxıstan, Dağıstan, Kalmıkiya, Rostov və Volqoqrad vilayətlərinin komandaları ilə qarşılaşıb.

Kişilərin mübarizəsində yığmamız Rusiyaya məğlub olaraq, ikinci yeri tutub. Qadın idmançılarımız isə bürünc medalla kifayətləniblər. Hər iki komandamız kubok və pul mükafatı ilə təltif olunub.
Tennisçilərimiz şəxsi yarışlarda zəif nəticə göstəriblər.

Qeyd edək ki, yarışa 12 kişi və 12 qadın komandasının tərkibində ümumilikdə 50-dən artıq idmançı qatılıb.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə