Almaniyanın Berlin şəhərində keçirilən atletika üzrə dünya çempionatında 2 qızıl medal qazanan Useyn Bolt hələ də arzusuna çatmayıb. Apasport.az saytının məlumatına görə, 100 və 200 m məsafəyə qaçmaqda çempion titulunu qazanmaqla yanaşı, özünə məxsus dünya rekordlarını yeniləyən yamaykalı idmançı əfsanəyə çevrilməsinin rəsmiləşməsini istəyir: “Mən artıq əfsanə olmaq yolundayam. Əgər Britaniya kraliçası Yelizaveta mənə cəngavər adı versə və bundan sonra ser Useyn Bolt adlansam, çox sevinərəm. O ki qaldı, növbəti qələbələrimə, mən startı düzgün götürürəm. Bu da həlledici olur. Berlindəki nəticələrlə sübut etdim ki, Pekin Olimpiadasındakı rekordlarım zarafat deyildi”.

• “Ocaq kuboku”nun təqvimi bəlli oldu
• Badmintonçularımız Uqandada “gümüş” qazandı
• Qubada ilk mükafatçılar bəlli oldu
• Snayperlərimiz dünya çempionatında
• AMADA təlim keçirib