Azərbaycanın gənc boksçulardan ibarət yığması Polşanın Şetsin şəhərində keçirilən Avropa çempionatında uğurla çıxış edib. Apasport.az saytının məlumatına görə, yarışa 9 idmançı ilə qatılan yığmamız 1 qızıl, 2 gümüş və 4 bürünc medal qazanıb.

Həmyerlilərimizdən ən yüksək nəticəyə Elvin Məmişzadə imza atıb. 48 kq çəki dərəcəsində mübarizə aparan boksçumuz finalda İqor Muqarini (Ukrayna) 6:1 hesabı ilə məğlub edərək, Avropa çempionu tituluna layiq görülüb. Elvin İsayev (54 kq) və Emil Əhmədov (69 kq) da qızıl medal əldə etməyə yaxın olublar. Lakin həlledici görüşdə onlar müvafiq olaraq, rusiyalı Radmir Abdurəhmanova (2:4) və irlandiyalı Ceyson Kuiqliyə (1:6) uduzublar.

Bürünc medallara isə Elnur Zeynalov (51 kq), Elvin Əliyev (57 kq), Heybətulla Hacıəliyev (60 kq) və Murad Ağamalıyev (75 kq) sahib çıxıb. Komanda hesabında Azərbaycan yığması yalnız Rusiyadan geri qalaraq, 37 kollektiv arasında 2-ci yeri tutub.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə