Almaniyanın paytaxtı Berlində dünya çempionu titulunu qazanmış atlet Kaster Semenyadan cinsiyyətinin müəyyənləşdirilməsi ilə bağlı götürülən testin ilkin nəticələri açıqlanıb. Apasport.az saytının məlumatına görə, Cənubi Afrika Respublikasını təmsil edən 18 yaşlı qızda yüksək dərəcədə kişi hormonları aşkarlanıb. Kasterdə hormonların miqdarı normal qadınlarda olduğundan 3 dəfə çoxdur. Ondan götürülmüş testin tam nəticələri bir neçə həftədən sonra elan ediləcək.

Qeyd edək ki, Semenya 800 metr məsafəyə qaçışda qızıl medala layiq görülüb. Onun ən yaxın rəqibini 2,5 saniyə qabaqlaması, həmçinin dərisi, üz quruluşu və qısa saçları Beynəlxalq Atletika Federasiyaları Assosiasiyasının rəsmilərini şübhələndirib. Lakin afrikalı atletin qohumları, yaxınları bu iddialara qarşı çıxıblar. Onlar Kasterin cinsiyyətinə aid şübhələrin əsassız olduğunu söyləyiblər və testin keçirilməsinə etirazlarını bildiriblər.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə