Danimarkanın paytaxtı Kopenhagendə keçirilən taekvondo üzrə dünya çempionatının ilk gününü Azərbaycan milli komandası bir bürünc medalla başa vurub. Lent.az-ın məlumatına görə, 80 kq çəki dərəcəsində çıxış edən Rəşad Əhmədov bürünc medala sahib olub.

Əhmədov yarışa bir əli zədəli halda yollanmasına baxmayaraq, fəxri kürsüyə yüksəlməyi bacarıb.

Bu çəkidə dünya çempionu adını isə Stiven Lopes (ABŞ) əldə edib. Finalda Nikolas Garsiya Hemmi (İspaniya) yenən Lopes karyerasında 5-ci dəfə bu şərəfə nail olub. Bununla da ikiqat olimpiya çempionu taekvondoçular arasında yeni rekorda imza atıb.

Digər taekvondoçumuz Vüqar Məcidov (+87 kq) isə medalsız qalıb.

Bu gün təmsilçilərimizdən Aygül Abdullayeva (49 kq), Seuqnmi Li (57 kq) və Elnur Amanov (58 kq) mübarizəyə qoşulacaqlar.

• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib