Noyabrın 15-də Rusiyanın Xantı-Mansiysk şəhərində neft hasil edən ölkələr arasında boks üzrə dünya çempionatı start götürəcək. Apasport.az saytının məlumatına görə, yarışda Azərbaycan milli komandası da iştirak edəcək. Boksçularımız Rusiyada 11 çəki dərəcəsinin hamısında mübarizə aparacaq. Yığmanın baş məşqçisi Nəriman Abdullayev bildirib ki, Xantı-Mansiyskə aparılacaq heyət Bakıda keçiriləcək təlim-məşq toplanışından sonra müəyyənləşəcək.

Mənbə: AzərTAc