Azərbaycanın taekvondo üzrə gənclərdən ibarət milli komandası noyabrın 6-da İspaniyanın Viqo şəhərində keçiriləcək Avropa birinciliyinə qatılacaq.

Yığmamızın baş məşqçisi Gündüz Abdullayevin Lent.az-a verdiyi məlumata görə, 3 gün davam edəcək yarışda ölkəmiz 10 idmançı ilə təmsil olunacaq.

Oğlanların mübarizəsində Faiq Tanrıverdiyev (50 kq), Eldar Qurbanov (54 kq), Nicat Haqverdiyev (58 kq), Səbuhi İsmayılzadə (67 kq), Elvin Məmmədov (72 kq), Aydın Bəhmalov (78 kq) və Allahşükür Zülfüqarlı (84 kq) qüvvəsini sınayacaq.

Qızların yarışında isə Nübar Hacıyeva (47 kq), Seuqnmi Li (59 kq) və Günay Ağakişiyeva (63 kq) çıxış edəcəklər.

Yığmamız İspaniyaya noyabrın 4-də yollanacaq.

• AMADA-nın yeni antidopinq qaydaları WADA ilə razılaşdırılıb
• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO