Otüstü hokkey üzrə Azərbaycan çempionatının 2009-cu il mövsümünə yekun vurulub. Azərbaycan Otüstü Hokkey Federasiyasının mətbuat katibi Yaqub Nuriyevin apasport.az saytına verdiyi məlumata görə, son turda kişilərdən ibarət komandalar mübarizə aparıblar.

Həm yüksək, həm də I dəstədə oyunların nəticələri formal xarakter daşıyıb. Bununla belə, yüksək dəstədə “Atasport”un, I liqada isə “Gənclik” komandasının çempionluğu rəsmiləşib. Daha öncə kişilərin çempionatında II dəstədə Nizami RİOEUGİM qızıl medallara layiq görülüb. Ölkəmizin ən güclü qadın hokkeyçiləri isə “Atasport-2” komandasındadır. Federasiya rəhbərliyi yekunda müxtəlif nominasiyalar üzrə ən yaxşı idmançıları mükafatlandırıb.

Kişilər
Yüksək dəstə
XII tur
“Atasport” (Bakı) - “Akkord” (Bakı) - 2:2
“Şahdağ” (Qusar) - “Göytəpə” (Cəlilabad) - 2:0

1. “Atasport” - 31 xal
2. “Akkord” - 25
3. “Şahdağ” - 15
4. “Göytəpə” - 0

Qeyd: “Göytəpə” yüksək dəstədə yerini itirib.

I dəstə
XII tur
“Gənclik” (Sumqayıt) - “Kür” (Mingəçevir) - 1:0
“Gəncə” - “Təhsil” (Bakı) - 8:0

1. “Gənclik” - 36 xal
2. “Gəncə” - 22
3. “Kür” - 11
4. “Təhsil” - 1

Qeyd: “Təhsil” I dəstədə yerini itirib, “Gənclik” isə yüksək dəstəyə vəsiqə qazanıb.

2009-cu il mövsümündə müxtəlif nominasiyalar üzrə qaliblər
Kişilər:
Ən yaxşı qapıçı - Vladimir Avdonin (“Şahdağ”)
Ən yaxşı oyunçu - Zöhrab Əlimirzəyev (“Atasport”)
Bombardir - Vitali Çequrko (“Atasport”, 18 qol)

Qadınlar:
Ən yaxşı qapıçı - Səadət Nuriyeva (“Atasport-2”)
Ən yaxşı oyunçu - Amaliya Həsənova (“Bakı”)
Bombardir - Kristina Lunyova (Nizami RİOEUGİM, 16 qol)

• Bilyardın "Snuker" növü üzrə ölkə çempionatının qalibləri bəlli olub - FOTO
• Millimiz təlim-məşq toplanışına start verib
• III MDB Oyunlarında fəaliyyət göstərəcək könüllülərin sayı açıqlanıb - FOTO
• “Snuker” növü üzrə Azərbaycan çempionatı keçiriləcək
• Fəridə Əzizova Atletlər Komissiyasının sədri seçilib - FOTO