Birləşmiş Ərəb Əmirliklərinin paytaxtı Əbu-Dabidə cüdo üzrə Qran-Pri turniri keçirilib. Apasport.az saytının məlumatına görə, yarışda Azərbaycanın şərəfini 2 idmançı - Elxan Rəcəbli (81 kq) və Elxan Məmmədov (90 kq) qoruyub.

Elxan Rəcəbli 1/4 finalda özbəkistanlı Şokir Muminovu ippon fəndinə salıb. Yarımfinalda isə Robert Kravçiklə (Polşa) bacarmayıb. Yarış iştirakçıları az olduğundan, təsəlliverici mərhələyə ehtiyac qalmayıb və Rəcəbli bürünc medal qazanıb.

Elxan Məmmədov da yarımfinala qədər uğurla irəliləyib. O, öncə braziliyalı Edmilson Konseysao, daha sonra macarıstanlı Levente Ledenyini mübarizədən kənarlaşdırıb. Ancaq 27 yaşlı cüdoçumuzun finala gedən yolunu Dilşod Çoriyev (Özbəkistan) kəsib. Beləliklə, hər iki həmyerlimiz bürünc medala layiq görülüb.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib