Qadın şahmatçılardan ibarət Azərbaycan milli komandasının kapitanı, əməkdar məşqçi, beynəlxalq usta Anar Allahverdiyev Türkiyənin Antalya şəhərində keçirilmiş FİDE-nin iclasında daha bir beynəlxalq ada layiq görülüb. Azərbaycan Şahmat Federasiyasının (AŞF) mətbuat xidmətindən apasport.az saytına verilən məlumata görə, Allahverdiyevə “FİDE məşqçisi” titulu verilib. Bununla da, o, ölkəmizdə ilk FİDE məşqçisi olub.

Həmçinin, AŞF-nin Bəstəçilik Komissiyasının sədr müavini İlham Əliyev də mükafatlandırılıb. Ona bəstəçilik üzrə “beynəlxalq hakim” adı təqdim olunub. Bəstəçilik üzrə yığmamızın baş məşqçisi olan Əliyev ölkəmizdə bu ada layiq görülmüş ilk idmançıdır.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib