Rusiyanın Xantı-Mansiysk şəhərində təşkil olunan şahmat üzrə Dünya Kuboku davam edir. Apasport.az saytının məlumatına görə, startda Azərbaycanın 5 zəka sahibi var idisə, indi onların sayı 3-ə enib. Rauf Məmmədovun ardınca, Qədir Hüseynov da yarışın 1/64 finalında uğursuzluğa düçar olub. Hüseynov filippinli Vesli So ilə ilk iki görüşdə bərabərə qalmışdı - 1:1. Tay-breykdə isə So ardıcıl 3 partiyada qalib gələrək, mərhələni adlayıb.

Beləliklə, Dünya Kubokunun 1/32 finalına Azərbaycan şahmatçılarından Teymur Rəcəbov, Vüqar Həşimov və Şəhriyar Məmmədyarov yüksəlib. Bu mərhələnin görüşləri 24-26 noyabr aralığında baş tutacaq. Turnirin qalibi isə dekabrın 14-də bilinəcək.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib