Meksikalı boksçu Fransis Rodriges üçün ABŞ təmilçisi Teo Kennedi ilə döyüş sonuncu olub. Apasport.az saytının məlumatına görə, 25 yaşlı dəri əlcək sahibi rəqibindən aldığı güclü zərbələrdən sonra dünyasını dəyişib.

Amerikalının aşkar üstünlüyü ilə keçən döyüş 10-cu raundda dayandırılıb. Ağır vəziyyətə düşən Rodriges xəstəxanaya çatdırılsa da, həkimlər onun həyatını xilas edə bilməyib. Bu Rodrigesin 17-ci, həm də sonuncu döyüşü olub ki, onlardan 14-də qələbə qazanmışdı.