İtaliyalı velosipedçi Canni Da Ros ağır cəzaya məruz alıb. Apasport.az saytının məlumatına görə, İtaliya Olimpiya Komitəsi (CONI) 23 yaşlı idmançını 20 il müddətinə bütün yarışlardan diskvalifikasiya edib. Buna səbəb Canninin istifadəsi qadağan olunmuş dərman preparatlarından yararlanması və onların yayılmasında iştirakıdır.

Bu ilin martında əməliyyat keçirən İtaliya polisi dopinq maddələrinin istifadəsi və yayılmasını həyata keçirən 12 nəfərlik qrupu yaxalamışdı. Qrupda Canni Da Ros da var idi. Sözügedən velosipedçi şərəfini qoruduğu “Likviqas” klubu tərəfindən də cəzalandırılıb. O, özündən başqa daha iki velosipedçini bu işə cəlb etməkdə günahlandırılır. Bu səbəbdən CONI Davide Lukatonu idmandan 8, Albino Koratsini isə 2 illiyə uzaqlaşdırılıb.

• AAF rəsmisi Avropa Ağırlıqqaldırma Federasiyasının Xüsusi Konqresində iştirak edib
• Ölkəmizi Avropa Gənclər Paralimpiya Oyunlarında təmsil edəcək idmançılar müəyyənləşib
• Azərbaycanı Avropa Gənclər Paralimpiya Oyunlarında təmsil edəcək idmançılarla görüş keçirilib - FOTO
• Dünya Kamandan Oxatma Federasiyası Azərbaycanla əməkdaşlığın genişləndirilməsini müzakirə edib - FOTO
• İdmançımız Sofiyada qələbə qazanıb