İdmanda iki vasitə ilə populyarlaşmaq mümkündür: ya sırf yüksək nəticələr, ya da gözəllik sayəsində. İkinci vasitədən yararlananlardan biri də paraqvaylı atlet Lerin Frankodur. Qüvvəsini nizə atıcılığı növündə sınayan 27 yaşlı gözəlçə idmanda heç də böyük uğurlar qazanmayıb. O, həm 2004-cü il Afina, həm 2008-ci il Pekin Yay Olimpiya Oyunlarından əliboş qayıdıb.

Əvəzində o, cazibədar bədən ölçülərinə görə tanınır və sevilir. Üç il öncə “Paraqvay gözəli” yarışında 2-ci yeri tutan Franko 2007-ci ildə yarıçılpaq soyunaraq, öz təqvimi üçün şəkillər çəkdirib. Bundan başqa, Lerin ABŞ-ın məşhur saytlarından birinin keçirdiyi sorğunun nəticələrinə əsasən, tennisçi Ana İvanoviçdən sonra dünyanın ən seksual idmançısı seçilib.