Həşimovla Rəcəbovun ethiyatda qalmasının səbəbi açıqlandı
13.01.2010 - 15:08
Azərbaycan yığma komandasının aparıcı üzvləri Vüqar Həşimovla Teymur Rəcəbovun Türkiyənin Bursa şəhərində keçirilən şahmat üzrə komandalararası dünya çempionatının son turuna buraxılmamalarının səbəbi müəyyənləşib. Bu haqda Lent.az-a eksklüziv açıqlamasında hazırda Bursada yarışı izləyən Azərbaycan Şahmat Federasiyasının vitse-prezidenti Mahir Məmmədov məlumat verib.
Onun sözlərinə görə, hər iki şahmatçının ABŞ-la bugünkü qarşılaşmadan kənarda qalmaları komandanın ümumi qərarı əsasında reallaşıb. Səbəb kimi Həşimovun dünya çempionatının əvvəlki 8 turunda zəif çıxışı, Rəcəbovun isə qara fiqurlarla oynamaqdan yorulması göstərilib: “Vüqar oynaya bilmir. Nədənsə, oyunu alınmır. Sanki uğursuzluq zolağına düşüb. Teymur yaxşı çıxış etsə də, indiyədək keçirdiyi 7 görüşdən 3-də qara fiqurlarla oynayıb. Bu isə şahmatçıda yorğunluğa səbəb olub. Ona görə də komandamızın kapitanı Zurab Azmayparaşvili ABŞ-la görüşə Həşimov və Rəcəbovsuz çıxmağı qərara aldı”.
Federasiya rəsmisi ABŞ-ı Qədir Hüseynov, Şəhriyar Məmmədyarov, Rauf Məmmədov və Nicat Məmmədovla yenməyin də mümkünlüyünü bildirib.
Qeyd edək ki, Vüqar Həşimov dünya çempionatında oynadığı 7 qarşılaşmada cəmi 1 qələbə qazanıb. Qalan oyunlarda 3 heç-heçə edən Həşimov 3 dəfə məğlub olub. Teymur Rəcəbov isə keçirdiyi 7 görüşün heç birində uduzmayıb. Rəcəbov 3 qələbə, 4 heç-heçəyə nail olub. Bu qələbələrin 2-sini o, qara fiqurlarla qazanıb. Onları əvəzləyəcək şahmatçılara gəldikdə, indiyədək Qədir Hüseynov 3, Nicat Məmmədov isə 2 görüşə çıxıb. Hüseynov 2 heç-heçə, 1 məğlubiyyət, Məmmədov isə 1 qələbə, 1 məğlubiyyət alıb.
8 turdan sonra 11 xala malik Azərbaycan yığması Hindistanla birgə 3-4-cü yerləri bölüşür. Lider Rusiyanın 13, ikinci pillədəki ABŞ-ın isə 12 xalı var.
Onun sözlərinə görə, hər iki şahmatçının ABŞ-la bugünkü qarşılaşmadan kənarda qalmaları komandanın ümumi qərarı əsasında reallaşıb. Səbəb kimi Həşimovun dünya çempionatının əvvəlki 8 turunda zəif çıxışı, Rəcəbovun isə qara fiqurlarla oynamaqdan yorulması göstərilib: “Vüqar oynaya bilmir. Nədənsə, oyunu alınmır. Sanki uğursuzluq zolağına düşüb. Teymur yaxşı çıxış etsə də, indiyədək keçirdiyi 7 görüşdən 3-də qara fiqurlarla oynayıb. Bu isə şahmatçıda yorğunluğa səbəb olub. Ona görə də komandamızın kapitanı Zurab Azmayparaşvili ABŞ-la görüşə Həşimov və Rəcəbovsuz çıxmağı qərara aldı”.
Federasiya rəsmisi ABŞ-ı Qədir Hüseynov, Şəhriyar Məmmədyarov, Rauf Məmmədov və Nicat Məmmədovla yenməyin də mümkünlüyünü bildirib.
Qeyd edək ki, Vüqar Həşimov dünya çempionatında oynadığı 7 qarşılaşmada cəmi 1 qələbə qazanıb. Qalan oyunlarda 3 heç-heçə edən Həşimov 3 dəfə məğlub olub. Teymur Rəcəbov isə keçirdiyi 7 görüşün heç birində uduzmayıb. Rəcəbov 3 qələbə, 4 heç-heçəyə nail olub. Bu qələbələrin 2-sini o, qara fiqurlarla qazanıb. Onları əvəzləyəcək şahmatçılara gəldikdə, indiyədək Qədir Hüseynov 3, Nicat Məmmədov isə 2 görüşə çıxıb. Hüseynov 2 heç-heçə, 1 məğlubiyyət, Məmmədov isə 1 qələbə, 1 məğlubiyyət alıb.
8 turdan sonra 11 xala malik Azərbaycan yığması Hindistanla birgə 3-4-cü yerləri bölüşür. Lider Rusiyanın 13, ikinci pillədəki ABŞ-ın isə 12 xalı var.
0
0