2008-ci il Pekin Yay Olimpiya Oyunlarının qalibi Elnur Məmmədlinin toyu təxirə salınıb. Bu haqda Lent.az-a cüdo üzrə olimpiya çempionunun özü məlumat verib.

Onun sözlərinə görə, toy mərasimi öncədən planlaşdırıldığı kimi, martın 5-də baş tutmayacaq. Buna cüdoçumuzun babasının vəfatı səbəb olub. Babasının qırx mərasimi martın 7-də olacaq. Məhz bundan sonra Məmmədlinin toyu üçün yeni tarix müəyyənləşdiriləcək. Mərasimin 22 – 25 apreldə keçiriləcək Avropa çempionatı öncəsi və ya sonra təşkili nəzərdə tutulub. Amma toy məkanı və aparıcı dəyişməyəcək. Tədbir “Ma Donna” şadlıq evində baş tutacaq. Aparıcı isə Nəsib Nur olacaq.

Toya 600-dək qonaq dəvət edilib. Onların arasında gürcüstanlı olimpiya çempionu İrakli Tsirekidze, türkiyəli cüdoçu Sezer Huysuz da olacaq.

• Bakıda dünyanın ikinci ən böyük qapalı xizək mərkəzi fəaliyyətə başlayıb
• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər
• Rüfət Efendiyev Avropa Şurasının antidopinq iclasında iştirak edib
• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub