Azərbaycanın gənc taekvondoçuları Yeniyetmələrin I Olimpiya Oyunlarının təsnifat mərhələsində və 8-ci dünya çempionatında iştirak etmək üçün Meksikaya yollanacaqlar. Taekvondo Federasiyasından apasport.az saytına verilən məlumata görə, martın 3-4-də Tixuan şəhərində baş tutacaq seçmə yarışda İmran Zalov (55 kq), Səbuhi İsmayılzadə (63 kq), Aydın Bəhməlov (+73), eləcə də Türkanə Tahirli (49 kq) çıxış edəcəklər.

Martın 6-da isə elə həmin məkanda dünya çempionatı start götürəcək. Bu mötəbər turnirdə ölkəmizin şərəfini Ağarəsul Fərəcov (45 kq), Hüseyn Mehrəliyev (48 kq), İmran Zalov (55 kq), Məhəmməd Əbiyev (59 kq), Toğrul Yusubov (63 kq), Səbuhi İsmayılzadə (68 kq), Aydın Bəhməlov (+73 kq), həmçinin Təranə Məmmədova (42 kq), Nərminə Məmmədova (44 kq), Türkanə Tahirli (49 kq) və Fəridə Əzizova (55 kq) qoruyacaq. Çempionat 3 gün davam edəcək.

• Bakıda dünyanın ikinci ən böyük qapalı xizək mərkəzi fəaliyyətə başlayıb
• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər
• Rüfət Efendiyev Avropa Şurasının antidopinq iclasında iştirak edib
• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub