Milli komandada yeni simalar

11.03.2010 - 00:38

“Sərhədçi” İdman Olimpiya Mərkəzində sərbəst və yunan-Roma güləşi üzə yeniyetmələr və gənclər arasında Azərbaycan birinciliyi davam edir. Apasport.az saytının xəbərinə görə, gənclər arasında keçirilən yarışlarda 400-dən artıq, yeniyetmələrin yarışında isə 900 nəfərə yaxın pəhləvanın iştirakı gözlənilir. Bu ötən ilki analoji turnirdə iştirak edən pəhləvanların sayından iki dəfə artıqdır. İlk dəfə olaraq Azərbaycan birinciliyində yeniyetmə və gənc qızlar da iştirak edəcək.

Martın 10-da 55, 66, 84 və 120 kq çəki dərəcələrində yunan-Roma güləşi üzrə gənclər öz qüvvələrini sınayıb. Gərgin mübarizə şəraitində keçən görüşlərdə aşağıdakı pəhləvanlar fəxri kürsüyə yüksəlib və yığma komandaya üzv olmaq hüququ qazanıb.

55 kq
1. Orxan Cabbarlı
2. Qasım Məmmədov
3. Nurlan Əsgərov
3. Muğan Əliyev

66 kq
1. Toğrul Yunisli
2. Azad Əliyev
3. Rəsul Cunayev
3. Emil Həmidov

84 kq
1. Murtuza Tağıyev
2. Şəhriyar Məmmədov
3. Süleyman Babayev
3. Elşad Yadigarov

120 kq
1. Zaur Mehrəliyev
2. Nəsir Nəcəfzadə
3. Xəyal İsmayılov
3. Eyvaz Kərimov

Çəki dərəcələri üzrə ilk üç yeri tutmuş idmançı Azərbaycan Güləş Federasiyası tərəfindən müvafiq diplom, pul mükafatı və tam idman geyim dəsti ilə təltif olunacaq, həmin pəhləvanlar milli yığma komandaya cəlb olunacaq.

Yeniyetmələr arasında keçirilən yarışlarda 1993-1994-cü il təvəllüdlü 42, 46, 50, 54, 58, 63, 69, 76, 85, 100 kq-a qədər çəki dərəcələrində idmançılar, gənclər arasında keçirilən yarışlarda 1990-1992-ci il təvəllüdlü 50, 55, 60, 66, 74, 84, 96, 120 kq-a qədər çəki dərəcələrində idmançılar iştirak edəcək.

Yarışların son günündə turnirə ilk dəfə olaraq 38, 40, 43, 46, 49, 52, 56, 60, 65, 70 kq-a qədər çəki dərəcələrində yeniyetmə qızlar və 44, 48, 51, 55, 59, 63, 67, 72 kq-a qədər çəki dərəcələrində gənc qızlar da qoşulacaq.