Paralimpiyaçı cüdoçulardan ibarət Azərbaycan milli komandası Türkiyənin Antalya şəhərində keçiriləcək dünya çempionatında iştirak edəcək. Azərbaycan Milli Paralimpiya Komitəsinin mətbuat xidmətindən apasport.az saytına verilən məlumata görə, martın 23-də səfərə yollanacaq yığmanın heyətində 10 cüdoçu yer alıb.

Baş məşqçi Əhməddin Rəcəbli Türkiyədə Emin İbrahimov, Ceyhun Muradov (hər ikisi 60 kq), İlkin Alışov (66 kq), Natiq Novruzzadə (73 kq), Rövşən Səfərov (81 kq), Tofiq Məmmədov (90 kq), Xəyal Qəniyev (100 kq), İlham Zəkiyev (+100 kq), eləcə də Afaq Sultanova (57 kq) və Çinarə Rzazadəyə (78 kq) şans verəcək. 25-29 mart aralığında gerçəkləşəcək çempionat 2012-ci il XIV London Yay Paralimpiya Oyunlarına lisenziya xarakterli ilk yarış olacaq.

• Xəyal etdi, inandı, qazandı — “Sürətlə Yeni Mövsümə” lotereyasının "Changan Q07" qalibi danışdı - VİDEO
• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib