Fransanın Nitsa şəhərində təşkil olunan 19-cu “Amber” yarışında V turun oyunları keçirilib. Apasport.az saytının məlumatına görə, turnirdə Azərbaycanın yeganə təmsilçisi Vüqar Həşimov bu dəfə də inamlı təsir bağışlayıb. O, rusiyalı Aleksandr Qrişukdan 2 oyuna 1,5 xal alıb. Gözübağlı partiyada qalib müəyyənləşməyib. Sürətli şahmatda isə Vüqar rəqibinə qalib gəlib.

Hazırda Həşimov gözübağlı oyunda 2,5 xalla 5-9-cu pillələri bölüşdürür. Sürətli şahmatda da eyni xala malik həmvətənimiz 6-cı yerdədir. Ümumi hesabda isə o, 5 xalla 7-ci sıraya sahib çıxıb.

Bu gün Vüqar VI turda ermənistanlı Levon Aronyanla qarşılaşacaq. 11 turdan ibarət yarış martın 25-də yekunlaşacaq. Turnirin ümumi mükafat fondu 216 min avrodur.

• Xəyal etdi, inandı, qazandı — “Sürətlə Yeni Mövsümə” lotereyasının "Changan Q07" qalibi danışdı - VİDEO
• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib