Almaniyanın Dortmund şəhərində kiçik kalibrli və pnevmatik silahdan güllə atıcılığı üzrə 26-cı İSAS beynəlxalq turniri keçirilib. Apasport.az saytının xəbərinə görə, Azərbaycanı turnirdə Afina Olimpiadasının bürünc mükafatçısı İradə Aşumova, gənclərin Avropa çempionatının gümüş mükafatçısı Nigar Bağırova, habelə Ruslan Lunyov və Rəsul Məmmədov təmsil edib.

Azərbaycan idmançıları arasında ən yaxşı nəticəni İradə Aşumova göstərib. O, pnevmatik silahdan atıcılıq yarışlarında 383 xalla 26 iştirakçı arasında qalib olub. Digər həmyerlimiz Nigar Bağırova 381 xalla dördüncü yeri tutub.

Kişilərin yarışında Ruslan Lunyov pnevmatik tapançadan atıcılıq üzrə ilk “səkkizliy”ə daxil olub. Final mərhələsinin yekunlarına görə o, 574 xalla 43 idmançı arasında altıncı yeri tutub. 568 xal toplayan Ruslan Məmmədovun debütü isə 13-cü yer olub.
AzərTac

• AMADA 2025-ci ilin 10 ayında 27 idmançının məkan məlumatı pozuntusunu açıqlayıb
• AMADA: Son 8 ildə ən çox dopinq sanksiyası tətbiq edilən idman növləri açıqlanıb
• AMADA-nın icraçı direktoru: "Builki konfrans Konstitusiya və Suverenlik ilinə həsr olunub"
• AMADA 2025-ci ilin ilk doqquz ayında 649 dopinq testi keçirib
• Bakıda “İdmanda Hüquq və Ədalət” üzrə beynəlxalq konfrans keçirilib