Yunan-Roma güləşi üzrə ikiqat Avropa çempionu, dünya birinciliyi və olimpiya oyunlarının mükafatçısı Rövşən Bayramov (55 kq) məşqlərini bərpa edib. Apasport.az saytının məlumatına görə, Bayramov Macarıstandakı Qran-Pri yarışında ayağından xəsarət aldığından Avropa çempionatına hazırlaşan heyətdən kənarda qalmışdı.

İdmançı məşqlərə qatılsa da, hələlik qitə birinciliyində iştirak etməmək təhlükəsi var. Hadisələrin necə nəticələnəcəyi gələn həftə müəyyənləşəcək. Belə ki, yunan-Roma yığmasının baş məşqçisi Elçin Cəfərov məhz bu zaman heyəti açıqlayacaq.

Xatırladaq ki, yunan-Roma, sərbəst və qadın güləşi üzrə Avropa çempionatı aprelin 13-18-də Heydər Əliyev adına idman Konsert Kompleksində keçiriləcək.

• Xəyal etdi, inandı, qazandı — “Sürətlə Yeni Mövsümə” lotereyasının "Changan Q07" qalibi danışdı - VİDEO
• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib