Cüdo üzrə kişi və qadınlardan ibarət Azərbaycan yığması növbəti təlim-məşq toplanışına yığışıb. Apasport.az saytının məlumatına görə, toplanış Zağulbada təşkil olunub.

Düşərgədə kifayət qədər adlı-sanlı idmançı var. Aprelin 3-də toyu olan olimpiya çempionu Elnur Məmmədli (73 kq), zədəsini yeni sağaldan ikiqat Avropa çempionu Kifayət Qasımova (57 kq) və Pekin Yay Olimpiya Oyunlarının bürünc mükafatçısı Mövlud Mirəliyev (100 kq) baş məşqçi Ağayar Axundzadənin sərəncamındadır. Amma Elnur və Kifayətin qitə birinciliyində yarışmayacağı dəqiqdir. Halbuki, Elnurun olimpiadadan sonra məhz bu yarışda karyerasını bərpa edəcəyi gözlənilirdi.

AÇ aprelin son həftəsində Avstriyada keçiriləcək. Axundzadə səfərə aparılacaq heyəti yarışdan 1 həftə qabaq açıqlayacaq.

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"