Türkiyədə 30 ölkədən 500 boksçunun qatıldığı beynəlxalq boks turnirində qalmaqal baş verib. Apasport.az saytının məlumatına görə, İngiltərə başda olmaqla, bir neçə ölkə təşkilatçıların onlara ayırdığı 3 ulduzlu oteldə qalmaq istəmədiklərini bildirib. Bundan sonra Türkiyə Boks Federasiyası yeni otel axtarışına başlayıb.

Vaxtında otel tapılmayacağı halda, bəzi ölkələr geri qayıdacaqlarını bildiriblər. Nəticədə Türkiyə Boks Federasiyasının prezidenti Eyüp Güzgeç məsələyə qarışıb. O ilk dəfə keçirilən belə yarışda təşkilatçılığın pis olmasından üzgün olduğunu dilə gətirib: “Tenderdə qalib gələn firmanın təşkil etdiyi otelin şəraitsiz olduğunu biz də gördük və dərhal bu firma ilə sözləşməni ləğv etdik. İştirakçıları tezliklə yaxşı otellərə yerləşdirməyə çalışırıq. Dünya və Avropa çempionları ilə ölkəmizə gələn qonaqlardan üzr istədik”.

Şikayətçi ölkələrdən əlavə, 15 ölkənin hələ Ankaraya gəlmədiyini nəzərə alsaq, onlar gəldikdən sonra növbəti qalmaqalın yaşanacağı gözlənilir.

• İslamiada: Azərbaycan millisi Səudiyyə Ərəbistana məğlub olub
• İslamiada: Üzgüçümüz bürünc qazanıb
• Fərid Qayıbov Ər-Riyadda Azərbaycan idmançıları ilə görüşüb - FOTO
• Azərbaycan millisi Parisdə daha iki medal qazanıb
• VI İslam Həmrəyliyi Oyunlarında ölkəmizi təmsil edəcək qılıncoynadanlar müəyyənləşib