Cənubi Afrika Respublikasında iştirak edəcək yığmaların ən qiymətlisi müəyyənləşib. Apasport.az saytının Almaniyanın “Focus” jurnalına istinadən verdiyi məlumatına görə, mundialın ən bahalı milli komandası İspaniyadır. Həmkarlarımızın hesablamalarına əsasən ispanların heyətində yer alan futbolçuların ümumi qiyməti 650 milyon avro təşkil edir. Komandada orta hesabla isə hər oyunçuya 28,26 milyon avro düşür.

Siyahıda ikinci yeri İngiltərə yığması (hər futbolçuya orta hesabla 18,05 milyon avro), üçüncü yeri Fransa millisi (hər futbolçuya orta hesabla 15,98 milyon avro) tutur. Almanlar komandalarındakı oyunçulara hərəsinə orta hesabla 12,32 milyon avro qiymət “qoyublar” və bu da onların 7-ci pillədə qərarlaşması ilə nəticələnib. İlk onluğu Serbiya yığması qapayıb (hər futbolçuya orta hesabla 7,96 milyon avro).

Futbolçular arasında isə dünya çempionatının ən bahalısı Argentina yığmasının “Barselona”lı üzvü Lionel Messidir. “Focus” jurnalı onun transfer məbləğini 80 milyon avro göstərib.

• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO
• Qılıncoynatma üzrə Azərbaycan birinciliyində ilk mükafatçılar müəyyənləşib