Dünya çempionatının final mərhələsində çıxış edəcək Paraqvay milli komandasının heyəti müəyyənləşib. Apasport.az saytının məlumatına görə, cənubi amerikalıların baş məşqçisi Xerardo Martino CAR-a aparacağı 23 nəfərlik siyahını açıqlayıb. O, ölkə çempionatında çıxış edən 4 futbolçu ilə yanaşı mundialda 19 legionerə güvənəcək.

Qapıçılar: Xusto Vilyar (“Valyadolid”, İspaniya), Albo Bobadilya (“İndependente”, Kolumbiya), Dieqo Barreto (“Serro Porteno”).

Müdafiəçilər: Denis Kanisa (“Leon”, Meksika), Dario Veron (“Pumas”, Meksika), Xulio Kaseres (“Atletiko Mineyro”, Braziliya), Paulo Da Silva (“Sanderlend”, İngiltərə), Klaudio Morel Rodriges (“Boka Xuniors”, Argentina), Antolin Alkaras (“Uiqan”, İngiltərə), Karlos Bonet (“Olimpiya”), Aureliano Torres (“San Lorenso”, Argentina).

Yarımmüdafiəçilər: Kristian Riveros (“Sanderlend”, İngiltərə), Enrike Vera (LDU, Ekvador), Edqar Barreto (“Atalanta”, İtaliya), Conatan Santana (“Volfsburq”, Almaniya), Viktor Kaseres (“Libertad”), Nestor Ortiqosa (“Argentinos Xuniors”, Argentina).

Hücumçular: Roke Santa-Krus (“Mançester Siti”, İngiltərə), Nelson Valdes (“Borussiya” Dortmund, Almaniya), Oskar Kardoso (“Benfika”, Portuqaliya), Edqar Benites (“Paçuka”, Meksika), Lukas Barrios (“Borussiya” Dortmund, Almaniya), Rodolfo Qamarra (“Libertad”).

Qeyd edək ki, paraqvaylılar mundialın F qrupunda İtaliya, Slovakiya və Yeni Zelandiya ilə mübarizə aparacaq.

• Bilyardın "Snuker" növü üzrə ölkə çempionatının qalibləri bəlli olub - FOTO
• Millimiz təlim-məşq toplanışına start verib
• III MDB Oyunlarında fəaliyyət göstərəcək könüllülərin sayı açıqlanıb - FOTO
• “Snuker” növü üzrə Azərbaycan çempionatı keçiriləcək
• Fəridə Əzizova Atletlər Komissiyasının sədri seçilib - FOTO