Avstraliya milli komandasının baş məşqçisi Pim Verbek dünya çempionatının final mərhələsinə aparacağı heyəti açıqlamaq istəmir. Apasport.az saytının məlumatına görə, yekun iştirak ərizələrinin FİFA-ya təqdim olunma vaxtı bitsə də yaşıl qitəni ölkəni təmsil edəcək 23 futbolçunun adı hələ də bilinmir. Mütəxəssisin siyahını beynəlxalq futbol qurumuna göndərib-göndərmədiyi də hələlik məlum deyil.

Böyük ehtimalla FİFA-nın qaydalarını pozmayan Verbek qərarını gizli saxlamaq niyyətindədir. Bunun iki səbəbi ola bilər. Birincisi, hollandiyalı seçimini futbolçularla müzakirə etmək istəyir. İkincisi isə futbolçuların tibbi müayinədən keçməsini gözləyir. Ötən ay açıqladığı 28 futbolçudan ibarət ilkin siyahıdan 3-ü - Eugen Qalekoviç, Tomas Oar və Ceyms Holland CAR-a getməyəcəklərini özləri açıqlayıb. İndi isə mütəxəssis daha iki artıq oyunçunun adını açıqlamalıdır.

• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO
• Qılıncoynatma üzrə Azərbaycan birinciliyində ilk mükafatçılar müəyyənləşib