Dünya çempionatının final mərhələsində çıxış edəcək Nigeriya milli komandası ciddi itki ilə üzləşib. Apasport.az saytının məlumatına görə, İngiltərənin “Çelsi” klubunda çıxış edən Con Obi Mikel CAR-da təşkil olunacaq yarışda iştirak etməyəcək.

Buna futbolçunun ciddi zədələnməsi səbəb olub. Yarımmüdafiəçinin bərpa olunacağına ümid edən yığma rəhbərliyi onun adını son iştirak ərizəsinə daxil etsə də, artıq dəyişiklik etməyə məcbur olub. Conu Nigeriya yığmasında Fransanın “Soşo” klubunda çıxış edən Braun İdeye əvəzləyib.

Qeyd edək ki, Obi Mikelə qədər “Çelsi”nin daha bir ulduzu Mixael Ballakın da mundialdan kənar qalacağı dəqiqləşmişdi. London təmsilçisinin zədələnən daha bir oyunçusu Didye Droqbanın da durumu ağır olsa da hələlik o iştirak ərizəsindən çıxarılmayıb.

• İdmançılarımız Avropa Yay Olimpiya Festivalına hazırlaşırlar
• AzVİF-lə Elm və Təhsil Nazirliyinin əməkdaşlığı çərçivəsində yeni layihəyə start verilib - FOTO
• Azərbaycan və Polşa arasında antidopinq sahəsində əməkdaşlığın perspektivləri müzakirə olunub
• Millidən yeni rekord: Yığma dünya reytinqində 27-ci sıraya yüksəlib
• Şose velosipedi üzrə Azərbaycan çempionatı start götürüb