“Mən dünya çempionatındakı bütün oyunlarda qol vuracağam. Qrup mərhələsində həm Braziliya, həm Portuqaliya, həm də Kot d’İvuarın qapısından qol keçirməyi bacaracağam”. Apasport.az saytının məlumatına görə, bu sözləri KXDR yığmasının hücumçusu Yonq Tae Se deyib.

Heç kimin tanımadığı asiyalı futbolçu verdiyi iddialı açıqlama ilə bütün dünyada məşhurlaşmaq qərarına gəlib. Yaponiyanın “Kavasaki” klubunda çıxış edən 26 yaşlı koreyalı daha çox Portuqaliya milli komandasına sataşıb. Tae Se Kriştianu Ronaldonun lideri olduğu yığmanın 1/8 finala həsrət qalacağını bildirib: “1/8 finala Braziliya və KXDR yığmaları çıxacaq”.

Qeyd edək ki, yığmada 22 oyun keçirən Se həqiqətən də yüksək məhsuldarlıq göstərərək 15 qol vurub.

• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO
• Qılıncoynatma üzrə Azərbaycan birinciliyində ilk mükafatçılar müəyyənləşib