Sabah Cənubi Afrika Respublikasında start götürəcək dünya çempionatında Uruqvayın baş məşqçisi Fransa ilə oyunda meydana çıxacaq start heyəti açıqlayıb. Apasport.az saytının məlumatına görə, cənubi amerikalıların baş məşqçisi Oskar Tabarec ilk oyunda əsasən Avropada çıxış edən futbolçulara yer verib.

Keyptaununda saat 23:30-da başlayacaq qarşılaşmaya çıxacaq 11-lik belədir: Fernando Muslera, Maurisio Viktorino, Dieqo Luqano (k), Dieqo Qodin, Maksi Pereyra, Dieqo Peres, Arevalo Rios, Alvaro Pereyra, İqnasio Qonsales, Dieqo Forlan və Luis Suares.

Qeyd edək ki, Fransa yığması start heyətin açıqlamasa da, əsas liderlərindən olan təcrübəli hücumçu Tyeri Anrinin ilk dəqiqələrdən ehtiyatda qalacağını bəyan edib. Onunla yanaşı, London “Arsenal”ının yarımmüdafiəçisi Abu Diabi də əsas heyətdə meydana çıxmayacaq.

• Kamandan oxatma üzrə Bakı şəhər kubokunda qaliblər məlum oldu
• Silahlı Qüvvələr Günü münasibətilə Xarıbülbül zirvəsinə yürüş keçirilib
• Bakıda suya tullanma üzrə “Gələcəyə Doğru” turniri keçirilib
• Azərbaycan parabadmintonçusu İbrahim Əliyev beynəlxalq turnirdə üçüncü olub
• Qolf üzrə Azərbaycan çempionatı və ölkə birinciliyi keçirilib