“Oyunun ilk dəqiqələrindən görünürdü ki, birinci qolu vuran komanda qalib gələcək. İlk hissədə rəqib bizi üstələyirdi. Fransızlar əla pressinq tətbiq edirdi ki, onların təzyiqinə davam gətirmək bizə çətinlik yaradırdı”.

Apasport.az saytının məlumatına görə, bu fikirləri Meksika milli komandasının baş məşqçisi Xavyer Aqirre deyib. Dünya çempionatının final mərhələsinin ikinci turunda Fransanı məğlub edən şimali amerikalıların çalışdırıcısı qarşılaşmadan sonra nəticədən razı qaldığını açıqlayıb. Lakin Aqirre 2:0 hesablı qələbə ilə vəzifənin öhdəsindən gəldiklərini düşünmür: “Fasilədən sonra işimiz asanlaşdı. Vaxtın daha böyük hissəsini meydanın rəqibə aid hissəsində keçirdik və bacardığımız futbolu göstərməyə başladıq. Nə qədər olmasa da, 3 ay bu turnirə hazırlaşmışdıq və yaxşı futbol göstərməyə hazır idik. Lakin hələ heç nə həll olunmayıb və biz növbəti mərhələyə çıxmamışıq”.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub